gaelică
Un libro acartonado e sen palabras para derrubar muros e construír pontes. O ratiño arrinca unha flor que medra nun vello muro e, ao facelo, un bloque de pedra despréndese. Por vez primeira pode ver que hai ao outro lado e rapidamente avisa os demais animais, que pouco a pouco van retirando máis e máis bloques ata derrubar o muro por completo. Cando descobren outro grupo de animais nunha illa próxima, usarán os bloques que antes os separaban para construír unha ponte que os una. Un enxeñoso e conmovedor álbum acartonado que mostra, mesmo aos nenos máis pequenos, que os muros e os valos poden substituírse por pontes se colaboran. Contado sen palabras, as sinxelas e expresivas ilustracións de Giuliano Ferri transmiten de maneira eficaz e accesible unha mensaxe esperanzadora e máis necesaria que nunca sobre a amizade, a solidariedade e a cooperación, valores universais e imprescindibles para superar diferenzas e conflitos.
